Үнэнийг хайгч...

Хэн ч өөрийн эцэг эх, үр хүүхэд, ах дүүсийг сонгодоггүй. Гагцхүү бид хайртай хүнээ л сонгодог

2012-12-09

Роберт Паттинсон аав болох уу

“Breaking down” киногоороо дэлхий дахинаа танил болсон Холливудын хосууд Кристен Стюарт, Роберт Паттинсон нар ирэх жил шинэ хүнээ хүлээж авахаар зэхэж байгаа гэсэн шуугиан олны анхаарлыг татаж байна.

“ОК” сэтгүүл хэдийгээр жүжигчдийн албан ёсны эх сурвалжаар баталгаажуулаагүй ч Стюарт хүүхэдтэй болсон гэсэн мэдээг Паттинсонд дуулгасан гэж бичжээ. Залуус хүүхдээ хаана төрүүлж хэрхэн өсгөх талаараа маш нарийн төлөвлөгөө гаргаж эхэлсэн гэнэ.

Паттинсон Лос Анжелост биш өөрийнхөө төрсөн нутаг Англид хүүхдээ төрүүлж өсгөхөөр шийдсэн ажээ. Одоо тэдний хуримын товыг л сонсох үлдлээ хэмээн хэвлэлийнхэн хэлж байна. анаж байгаа тухай ч өгүүлжээ.

Харин энэ мэдээг олон нийт үнэн гэдэгт эргэлзэж байгаа аж. Учир нь Стюарт ээж болоход бэлэн биш хэмээн мэдэгдэж байсан нь саяхан. Мөн тэд эвлэрсэн эсэх нь эргэлзээтэй байгаа гэж үзэж буй аж. Энэ бүх эргэлзээг удахгүй хосууд тайлах биз ээ

2012-12-09

Долоон настай хүүг сэхээнд ортол нь зоджээ

http://www.youtube.com/watch?feature=player_embedded&v=xHhiW1AL5kI

Сонгинхайрхан дүүргийн иргэн Т гэгч энэ сарын 4-5-нд шилжих шөнө долоо настай хүүгээ гурван цагийн турш зодож, танхайрсан хэрэг гарчээ. Долоо настай Э хүүг түүний хойд эцэг болох Т халаасанд нь байсан 1200 төгрөгийн 300 төгрөгийг нь авсан хэмээн зодсон байна. Оройн 22 цагаас шөнө дөл хүртэл бяцхан хүүг зодож тамлахдаа тэрээр тэлээгээр ороолгож, халуун галаар түлжээ. Гэрчийн ярьж буйгаар арваннэгдүгээр сарын 4-ний 22.00 цагийн үед эмэгтэй хүн хашгирч, хүүхэд уйлах чимээ сонстжээ. Хөрш эмэгтэй тухайн үед гэр бүлийн хүмүүс хоорондоо муудсан байх гэж бодоод өнгөрсөн ч цаг гаруй хугацаа өнгөрөхөд хүүхэд уйлж, тусламж гуйсаар байсан тул гэрт нь дайрч оржээ. Түүнийг ороход хүүхэд цус алдаж, толгой нь хагарч, хүзүү гар, бүх бие нь шарх сорви болсон байжээ. Гэтэл ээж нь хүүг аврахаар орсон бүсгүйг “Чамд хамаагүй” гэж гэрээсээ хөөсөн тул бүсгүй цагдаа болон Түргэн тусламж дууджээ. Хүү одоо Гэмтэл согогийн үндэсний төвд хэвтэн эмчлүүлж байна.

2012-12-08

“Дэлхийн шилдэг хүмүүс-2012” жагсаалтын шилдэг 10 хүн

Обама, Меркель, Путин гурав бүхнийг чаддаг

Энэхүү жагсаалтад улстөрчид, бизнесменүүд болон томоохон удирдагчид багтдаг юм.

Харин энэ удаагийн жагсаалтыг бүх нийтийн саналаар АНУ-ын ерөнхийлөгч Барак Обама хоёр дахь удаагаа тэргүүлж олноос онцгойрчээ. Харин ОХУ-ын ерөнхийлөгч Владимир Путин өнгөрсөн жил эзэлсэн байрнаасаа ухарч Холбооны канцлер Ангела Меркелийн удаах байранд орлоо. Уг сэтгүүл дэлхийн бүх хүн ам буюу долоон тэрбум хүнээс “Дэлхийн хамгийн нөлөө бүхий хүмүүс-2012”-т 71-ийг нь сонгон шалгаруулжээ. Энэ нь дэлхийн 100 сая хүн тутмаас нэг төлөөлөгчийг нэрлэсэн гэсэн үг аж.
Сэтгүүл дэлхийн нөлөө бүхий улстөрч, бизнесмен, томоохон үйлдвэрийн эзэн, компанийн захирлууд дундаас зүгээр ч нэг хэдэн хүнийг түүгээд авчихдаг бус эхний ээлжинд эдгээр хүмүүс улс эх орондоо болон дэлхийд чухал нөлөөтэй зүйлүүдийг хийж бүтээсэн байх ёстой гэнэ.
1. Барак Обама (АНУ-ын ерөнхийлөгч)
2. Ангела Меркель (Германы канцлер)
3. Владимир Путин (ОХУ-ын ерөнхийл өгч)
4. Билл Гейтс (Билл Гейтс ба Мелинда Гейтсийн сангийн тэргүүн)
5. Эцэг Бенедикт-XVI (Ромын католик шашны тэргүүн)
6. Бен Бернанке (АНУ-ын Холбооны нөөц тогтолцооны тэргүүн)
7. Абдулла ибн Абдель Азиз Аль Сауд (Саудын Арабын хаан)
8. Марио Драги (Европын төв банкны дарга)
9. Си Жиньпин (Хятадын коммунист намын ерөнхий нарийн бичгийн дарга)
10. Дэвид Камерон (Их Британийн ерөнхий сайд).

Харин “Дэлхийн хамгийн нөлөө бүхий хүмүүс-2012”-ын хамгийн залуу хүмүүсийн дотор фээсбүүкийг үндэслэгч 29 настай Марк Цукерберг багтжээ. Тэрбээр энэ жил 29 настай юм. Түүний үндэслэсэн фээсбүүк сүлжээ дэлхийн хамгийн олон хэрэглэгчтэй сүлжээ болж чадсан билээ. Харин Майкл Блунбергийн хувьд, тэрбээр энэхүү жагсаалтад багтах ёстой хүмүүст байх бараг бүхий л шинжийг агуулжээ.

2012-12-08

Монгол улс авилгаас холдож эхэлжээ

Шууд ардчилал-иргэний оролцоо хөтөлбөрийг танилцуулах ёслол өчигдөр Их тэнгэр цогцолборт боллоо. Уг ёслолд Ерөнхийлөгч Ц.Элбэгдорж, УИХ-ын дарга З.Энхболд, УИХ-ын гишүүд оролцсоноос гадна гадаад орнуудаас Монгол Улсад суугаа дипломат төлөөлөгчийн газрын төлөөллүүд оролцсон юм. Ерөнхийлөгч Ц.Элбэгдорж энэ үеэр халамжийн төрийг ардчилсан төр болгох цаг ирснийг онцолж байв. Уг хөтөлбөрийн төслийг цахим хуудсаар танилцуулж эхэлсэн бөгөөд удахгүй УИХ-д өргөн барихаар болжээ. Ерөнхийлөгч, УИХ-ын дарга, Ерөнхий сайд энэхүү хөтөлбөрийг хэрэгжүүлэх тал дээр нэг байр суурьтай байгаа нь хөтөлбөрийг хэрэгжүүлэхэд чухал түлхэц болж байгаа юм байна. Энэхүү хөтөлбөрийн үр дүн эхнээсээ мэдэгдэж эхэлсэн байна. Тухайлбал, Монгол Улс дэлхийд авлигын зэрэглэлээрээ 120 дугаарт байсан бол шууд ардчиллын оролцоог нэмэгдүүлснээр 94 байрт орж урагшилжээ.

2012-12-08

“Forbes” сэтгүүл Б.Обамаг хамгийн хүчирхэг хүн гэжээ

“Forbes” сэтгүүлээс дэлхийн хамгийн хүчирхэг нөлөө бүхий хүмүүсийг нэрлэснээ зарлалаа. Энэ жагсаалтыг АНУ-ын ерөнхийлөгч Барак Обама тэргүүлж дэлхийн хамгийн нөлөө бүхий хүчирхэг улстөрч гэдгээ дахин баталлаа. Тэгвэл түүний ард ОХУ-ын ерөнхий сайд В.Путин жагссан байна. Түүний хувьд сүүлийн 10-аад жил дэлхийн улстөрийн хүрээнд нөлөөтэй нэгэн гэгдсээр ирсэн. Мөн ОХУ-ын 2012 оны ернхийлөгчийн сонгуульд дахин нэр дэвших бослон нь түүний рейтингийг өсөхөд нөлөөлсөн гэжээ. Гуравдугаарт БНХАУ-ын дарга Ху Жинтоа эрэмбэлэгдсэн байна. Дэлхий дахиныг хамарсан их хямралын дохио хэдийнэ хангинасан үед тус авралын гараа сунгагч болж байгаа нь хүчирхэг гэдгээ батлахад нь нөлөөлсөн аж. Дөрөвдүгээрт ХБНГУ-ын канцлер хатагтай Ангела Меркел оржээ. Их гүрний бодлогыг барьж дэлхийн хүчирхэг гүрнүүдийн тэргүүнүүдтэй эн үэрэгцэн явж чадаж байгаа түүнтэй зэрэгцэн жагсаалтын эхэнд бичигдэх эмэгтэй улстөрч өнөөдөртөө байхгүй байгаа юм. Ийнхүү хүчирхэг хүмүүсийн жагсаалт улстөрчдөөр эхэлсэн бол тавдугаарт бизнесийн төлөөллөөс Билл Гейтс орж иржээ. Өдгөө 56 настай тэрээр бизнесийн салбараас олсон ашиг орлогоороо дэлхий тэргүүлдэг ч буяны үйлд зарцуул чаддаг нэгэн. Энэ чанар нь түүнийг дэлхий дахинд нөлөөтэй, хүчирхэг нэгэн болоход нөлөөлсөн байна. Зургадугаарт Кувейтын Эмир шейх Сабах аль-Ахмед аль-Жабер ас-Сабах оржээ. Уг жагсаалтад улстөр, бизнес, урлаг, нийгмийн салбар, спорт гээд нийт 73 хүн эрэмбэлэгдсэн байна.